<span
محکمہ تعلیم حکومت پنجاب دے نویں امتحانی نظام ’’ امتحان تے مسلسل جائزے دا نظام‘‘ نوں مکھ رکھدیاں ہویاں’’کرن کی ٹو پنجابی (انشائیہ + معروضی) جماعت 7 ‘‘ لکھی گئی اے۔ ایہدے وچ خیال رکھیا گیا اے کہ پنجابی زبا ن پڑھن والے طالب علم پنجابی زبان، اپنے تہذیبی ورثے تے پرانی تے نویں شاعری دے ادب توں واقف ہو جان۔ اہناں وچ بہادری ، انسان دوستی تے قربانی دا جذبہ پیدا ہوئے، جیہڑا اسلام دی اصل روح اے۔امتحانی ضرورتاں دے سلسلے وچ ’’کرن کی ٹو پنجابی (انشائیہ + معروضی) جماعت 7 ‘‘ نوں تن وکھریا ں وکھریاں حصیاں وچ ونڈ دتا گیا اے تاں جے طالب علماں نو ں ایہناں دی تیاری وچ سہولت رہوے۔ پہلا حصہ (انشائیہ) ہر سبق دے شروع وچ اوکھیاں لفظاں دے معنے ، ہر سبق دا خلاصہ تے ہر سبق تو حاصل ہون والے نچوڑ نوں مڈھلا خیال دے ناں تے بیان کیتا گیا اے۔ اہم عبارتاں دا اردو ترجمہ تے اوہناں دی پنجابی تشریح دے نال مشقی سوالاں دے جواب وی لکھے گئے نیں۔ دوجا حصہ (معروضی) اس حصہ وچ کثیر الانتخابی، خالی تھانواں پُر کرنا، درست غلط، جوڑ دے سوالات اور مختصر سوالاں دے جوابات دتے گئے نیں۔ معروضی سوالاں دے چنائو تے ترتیب دا خاص خیال رکھا گیا اے ۔ تریجا حصہ (قواعد و انشاء پردازی) پنجابی گرائمر دے قاعدے، فعل دیاں قسماں، آکھان، اسم جنس تے اسم عدد بارے پنجابی گرائمر نوں مکھ رکھ کے لکھیا گیا اے۔ خط، درخواستاں، رسیداں تے مضمون وچ پنجابی ادب دا چنگا خیال رکھیا گیا اے۔ ایس کتاب دی تیاری وچ بوہت محنت تے احتیاط نال کم لیا گیا اے تے ایس گل دی پوری کوشش کیتی گئی اے کہ طلبہ و طالبات ایس توں پورا پورا فائدہ اٹھا سکن۔ امیدا اے کہ معزز اساتذہ تے طلبہ و طالبات ساڈی ایس کاوش نوں ضرور پسند کرن گے۔
