ریاضی دراصل ریاضت طلب مضمون ہے، جس میں تحقیق کا عمل جا ری رہتا ہے اور اس طرح نئے تصورات‘ نئے عنوانات‘ نئی اصطلاحات اور نئی علامتیں معرض وجود میں آتی رہتی ہیں۔نئی اصطلاحات ریاضی کی مخصوص زبان میں اضافہ کا سبب بنتی ہیں۔روز مرہ زندگی میں ’’علم ریاضی‘‘ کی اہمیت مسلم ہے۔ اسی اہمیت کے پیش نظر ’’محکمہ تعلیم حکومت پنجاب‘‘کے جاری کردہ ’’تعلیمی کیلنڈر‘‘ کے مطابق کرن کی ٹو ریاضی جماعت نہم‘‘ تیار کی گئی ہے ۔
خصوصیات
کرن کی ٹو ریاضی جماعت نہم‘‘ درج ذیل حصوں پر مشتمل ہے۔
حصہ انشائیہ: اس میں تمام مشقوں کا حل نہایت آسان اور عام فہم انداز میںپیش کیا گیا ہے۔ مشقوں سے پہلے ان کے تصورا ت مثالوں کے ساتھ دیئے گئے ہیں۔ تاکہ طلباء و طالبات کو سوال حل کرنے کے تمام پہلوئوں سے واقفیت حاصل ہو سکے۔سوالات کو فارمولوں کے عین مطابق حل کیا گیا ہے، تاکہ ان کو سمجھنے میں آسانی ہو۔جیومیٹری کی اشکال کو دی گئی پیمائش کے مطابق بنایا گیا ہے، لیکن جو شکل پیپر مارجن سے زیادہ پیمائش رکھتی تھی اسے ایک خاص تناسب سے چھوٹا کر کے بنا دیا گیا ہے۔
کثیر الانتخابی : کثیر الانتخابی حصہ میں ہر بیان کے نیچے چار ممکنہ بیانات دیئے گئے ہیں اور طلبہ کی آسانی کے لئے درست جواب کو الگ خانے میں لکھ دیا گیا ہے۔
مختصر سوالات: مختصر سولات والے حصے میں بھی کسی بھی اہم یا کم اہم سوال کو نظر انداز نہیں کیا گیا۔ اور مختصر سوالات کے جوابات بھی مختصر اور عام فہم انداز میں دئیے گئے ہیں۔ تاکہ طلبہ کو سمجھنے اور یاد کرنے میں آسانی ہو۔
زیر نظر کتاب نہایت احتیاط کے ساتھ تجربہ کار ماہرین ریاضی کے زیر نگرانی تیار ہوئی ہے اور ہر ممکن حد تک زبان و بیان کی اغلاط سے پاک ہے۔امید واثق ہے کہ اس کتاب کے مطالعہ سے طلبہ یقیناامتحان اچھے گریڈ میںکامیابی حاصل کریں گے۔معزز اساتذہ کرام کی مفید آرا ء کے منتظر
